Swydd Ddisgrifiad Gwirfoddolwr Cymorth Digidol – Llyfrgell Llanandras

Darparu cymorth i unigolion sy’n defnyddio’r llyfrgell sydd am ddysgu neu wella eu sgiliau o ran defnyddio technoleg ddigidol, a chefnogi defnyddwyr sydd efallai angen defnyddio dulliau digidol i gael mynediad at wasanaethau cyhoeddus. Mae rhai o’n gwirfoddolwyr yn gweithio gyda chwsmeriaid ar sail ad hoc 1:1 ac mae rhai’n arwain sesiynau a gynhelir bob wythnos.

Tasgau:

Gall y rôl olygu cefnogi unigolion sy’n defnyddio’r llyfrgell i wneud rhai, neu bob un o’r canlynol:

• Dysgu am sylfeini a swyddogaethau ar ddyfeisiau llaw iOS ac Android a chyfrifiaduron sy’n defnyddio Windows.

• Defnyddio adnoddau’r llyfrgell ar-lei n- e-lyfrau, llyfrau clywedol ac ati

• Cysylltu dyfeisiau â Wi-Fi

• Defnyddio apiau negeseua megis Whatsapp, Messenger

• Sefydlu cyfrif ebost a deall ei swyddogaethau sylfaenol

• Defnyddio camera a meddalwedd cyfathrebu sy’n rhan o ddyfais megis Skype, Zoom, Facetime, ac ati

• Dysgu am ddiogelwch personol ar-lein

• Defnyddio platfformau ar-lein ar gyfer gwasanaethau bancio, siopa, archebu apwyntiadau ac ati

• Defnyddio’r rhyngrwyd i gael hyd i wybodaeth a meithrin ymwybyddiaeth ynghylch sut i asesu a yw gwefan yn ddibynadwy ai peidio

Nodweddion:

• Gwybodaeth ddigonol o a hyder o ran defnyddio dyfeisiau iOS ac Android, a Windows

• Dull cyfeillgar a chroesawgar gyda sgiliau pobl rhagorol

• Sgiliau gwrando da, amynedd a doethineb

• Gallu cyfleu cyfarwyddiadau’n glir – byddai profiad dysgu a/neu sgiliau cyflwyno yn fantais

• Sgiliau da wrth ddatrys problemau

• Hyblygrwydd a dibynadwyedd

• Gallu gweithio heb oruchwyliaeth

Mae angen tystysgrif DBS manylach ar gyfer y rôl hon.

Hyfforddiant:

Does dim hyfforddiant ffurfiol ar gyfer y rôl hon ond rhoddir cyngor ar yr adnoddau ar-lein/digidol sydd ar gael a sut i’w defnyddio. Hefyd bydd angen ichi gwblhau Hyfforddiant Tân, Iechyd a Diogelwch, Seiberddiogelwch a GDPR Cyngor Sir Powys ar-lein. Hwyrach y bydd gofyn cwblhau hyfforddiant Diogelu ar-lein os bydd eich rôl yn golygu gwirfoddoli gydag Oedolion Agored i Risg.

Ymrwymiad Amser:

Yn ddelfrydol 2 awr yr wythnos yn rheolaidd, ond mae posibilrwydd hefyd o sesiynau ad hoc, fel a phan fydd unigolyn yn gofyn am gymorth.