Disgrifiad o’r rôl fel Gwirfoddolwyr Cefnogi Gweithgareddau a Digwyddiadau i Oedolion  – Llyfrgell Llandrindod

Fel Gwirfoddolwr Cefnogi Gweithgareddau a Digwyddiadau i Oedolion, byddwch yn cefnogi’r Swyddog Addysg a Mynediad (y Gaer)/ Tîm Curadurol (Amgueddfa Sir Faesyfed)/ Llyfrgellydd Cangen (Y Lanfa a llyfrgelloedd eraill) i ddarparu gweithgareddau a digwyddiadau i oedolion, ar-lein a wyneb yn wyneb.

Tasgau:

Gall eich rôl gynnwys rhai, neu bob un, o’r canlynol:

• Cefnogi’r gwaith o drefnu, paratoi a chyflwyno gweithgareddau a digwyddiadau rheolaidd i oedolion megis sesiynau  Gwau a Chlebran, clybiau llyfrau neu grwpiau ysgrifennu. Gall hyn hefyd gynnwys gweithio gydag oedolion ag anawsterau dysgu.

• Cefnogi’r gwaith o gyflwyno digwyddiadau cymunedol untro i oedolion, naill ai’n fewnol neu oddi ar y safle, (e.e. digwyddiad agor arddangosfa.)

• Cynorthwyo gyda gosod ystafelloedd (e.e, symud byrddau a chadeiriau, paratoi lluniaeth, ac ati) a chlirio ar ôl digwyddiad/gweithgaredd.

• Cyfarfod a chyfarch ymwelwyr/gwesteion/cyfranogwyr gweithgaredd.

• Stiwardio digwyddiadau mwy a darparu presenoldeb diogelwch mewn lleoliadau allweddol o amgylch y safle.

• Tynnu lluniau a derbyn ffurflenni caniatâd gan ymwelwyr/gwesteion/cyfranogwyr gweithgaredd.

• Helpu i fonitro ansawdd gweithgareddau a digwyddiadau cymunedol i oedolion trwy ymgysylltu â’r cyhoedd a ffurflenni adborth.

• Ymgymryd ag unrhyw dasgau sy’n ymwneud â dysgu oedolion a mynediad y gall y Swyddog Addysg a Mynediad/ Tîm Curadurol/ Llyfrgellydd Cangen ofyn yn rhesymol amdanynt.

Nodweddion:

• Dull cyfeillgar a chroesawgar gyda sgiliau pobl rhagorol.

• Sgiliau trefnu da.

• Hyblygrwydd a dibynadwyedd.

Mae angen tystysgrif DBS manylach ar gyfer pob gwirfoddolwr yn y rôl hon.

Hyfforddiant:

Darperir hyfforddiant gan aelod priodol o staff. Bydd angen i chi hefyd gwblhau Hyfforddiant Iechyd a Diogelwch Cyngor Sir Powys gydag Ymwybyddiaeth Tân; Codi a Chario a Seiberddiogelwch a GDPR.

Ymrwymiad Amser:

Mae gweithgareddau rheolaidd a digwyddiadau untro yn cael eu cynnal trwy gydol yr wythnos, gyda rhai yn gynnar gyda’r nos ac ar benwythnosau, gan ddibynnu ar y lleoliad. Mae sesiynau gwirfoddoli ynpara am tua 2-6 awr.