Yn 2005 enwodd yr Eglwys yng Nghymru Archifau Powys fel y lle i adael cofrestrau plwyfi a chofnodion plwyfol.

Ffurfiwyd y Bedyddwyr Cyffredinol ar ddechrau’r ail ganrif ar bymtheg. Ffurfiwyd y Gymdeithas Bedyddwyr Galfinaidd gyntaf yn 1633, gan gynrychioli cangen ar wahân: y rhain oedd y Bedyddwyr Neilltuol (neu Gaeth).

Dechreuodd John Wesley ar ei weinidogaeth yn 1739, a sefydlwyd Cymdeithasau Methodistaidd o’r cychwyn bron. Bu sawl ymwahaniad o’r prif sefydliad, a’r hynotaf yn eu plith, o bosibl oedd y Methodistiaid Cyntefig a wahanodd oddi wrthynt yn 1807, a’r Methodistiaid Annibynnol yn 1805.

Dechreuodd George Fox, sylfaenydd Cymdeithas y Cyfeillion, bregethu tua 1647. Nid oedd gan y Cyfeillion, a adwaenwyd hefyd fel y Crynwyr, drefn weinidogaethol, ac mae trefn y mudiad yr un fath i bob hanfod â’r hyn a sylfaenwyd yn 1666.

Sefydlwyd yr Eglwys Ddiwygiedig Unedig yn 1972 trwy uno Eglwys Bresbyteraidd Lloegr a’r Annibynwyr.